«РНГ» АУо-ҕа культурнай бырайыактар сайдыыларын боппуруостарыгар генеральнай дириэктэр сүбэһитэ, РСФСР народнай артыыһа Станислав Любшин 90 сааһын бэлиэтиир.
«Күндү ытыктыыр киһибит, Станислав Андреевич, төрөөбүт күҥҥүнэн итиитик-истиҥник, ис сүрэхпиттэн эҕэрдэлиибин! Эһиги киинэлэргитинэн хас эмэ көлүөнэ улаатта. Сүдү талааҥҥыт, оруолу арыйар хас биирдии уобараскыт өрүү үрдүктүк сыаналанар. Эйиэхэ кытаанах доруобуйаны, айар үлэҕитигэр ситиһиилэри баҕарабыт, биһиэхэ сүбэҕит иһин махталбытын тиэрдэбит», – диэн «РНГ» АУо генеральнай дириэктэрэ Владимир Ракитин эҕэрдэтин тиэртэ.
Станислав Любшин 1933 сыллаахха муус устар 6 күнүгэр Московскай уобалас Владыкино сэлиэнньэтигэр төрөөбүтэ. 1959 сыллаахха М.С. Щепкин аатынан үрдүкү театральнай училищены үөрэнэн бүтэрбитэ. «Современник» театр туруорууларыгар элбэх оруолу, Таганка Москватааҕы тыйаатырга, М.Н. Ермолова аатынан Москватааҕы драматическэй тыйаатырга оонньоон дьон-сэргэ биһирэбилин ылбыта. Бүгүҥҥү күҥҥэ артыыс кыттыылаах туруоруулары А.П. Чехов аатынан Москватааҕы художественнэй тыйаатыр сыанатыгар көрүөххэ сөп.
Айар үлэтин сылларыгар Станислав Любшин элбэх бочуотунай грамоталарынан, ол иһигэр Бочуот, Доҕордоһуу уордьаннарынан, маны сэргэ, «За заслуги перед Отечеством» IV уонна III степеннээх наҕараадаларынан бэлиэтэммитэ.