Хампаанньа сыаналаах бэлэхтэрин Мииринэй оройуонун Таас -Үрэх нэһилиэгин Р.В.Лонкунов аатынан орто анал оскуоланы бүтэрээччилэргэ туттарда. Быйылгы сылга үөрэх тэрилтэтин биэс киһи үөрэнэн бүтэрдэ.
Үөрүлээх линейкаҕа «РНГ» АУо бэрэстэбиитэлэ оскуола үөрэнээччилэрин эҕэрдэлээтэ уонна HONOR планшеттары туттарда.
Ньиэп уонна гаас хампаанньата хас эмэ сыллар тухары бу курдук оскуолаҕа көмө буолар, оскуола материальнай-техническэй хааччыллыыта тупсарыгар киэҥ хабааннаах үлэни ыытар, оскуола бырайыактарын олоххо киллэрэргэ төһүү күүс буолар. Ол курдук, «РНГ» АУо 2024 сыллаахха оскуолаҕа сыанаҕа туттуллар аныгы оборудование атыылаһан биэрбитэ.
Р. В. Лонкунов аатынан 9-с нүөмэрдээх орто уопсай үөрэхтээһин оскуолата - Мииринэй оройуонугар биир кырдьаҕас оскуола, онтон Таас-Үрэххэ соҕотох үөрэх тэрилтэтэ.