Мииринэй оройуонун социальнай-экономическэй сайдыытын торумнуур бииргэ үлэлэһии докумуонугар олоҕуран хампаанньа үөрэх кыһатын тэрилтэтигэр материальнай-техническэй хааччыйыыга анаан үбүлээһини оҥордо.
Көрүллүбүт харчыга оскуола сыанаҕа ыытар тэрээһиннэригэр анаан оборудование атыыласта. Саҥа оборудование оскуола иһинэн үлэлиир «Ай-Тал» тыйаатыр таһаарылаахтык үлэлииригэр аныгылыы усулуобуйаны олохтоото. Таас-Үрэх нэһилиэгэр бу оскуола иһинэн эрэ буолбакка, бүттүүн нэһилиэк дьонугар анаан тэрээһиннэри ыытар соҕотох киин буолар.
Бу иннинэ «СюльдюкарНефтеГаз» ХЭТ, «РНГ» АУо хампаанньатын иһинэн тэриллибит тэрилтэ, Мииринэй оройуонун кытта бииргэ үлэлэһии сөбүлэҥэр олоҕуран эмиэ харчынан көмө оҥорбута. Ол харчы Сүлдьүкээр нэһилиэгэр «Биракан» культура дьиэтигэр саҥа тыас-уус аппаратуратын кэмпилиэгин атыылаһарга анаммыта.