Хампаанньа Кыайыы 80 сылыгар анаммыт Мииринэй оройуонугар интеллектуальнай спорт көрүҥэр (саахымакка уонна дуобакка) анаммыт бастакы турниры тэрийиигэ көмө буолан тэрээһиҥҥэ харчынан көмөлөстө.
Турнирга 5-тэн 18-гар диэри саастаах 150 эдэр спортсмен Мирнэйтэн, Удачнайтан, Ленскэйтэн кыттыыны ылла. Кыайыылаахтар уонна призердар бэлиэ сувенирдарынан, бэлэх сертификаттарынан, дипломнарынан наҕараадаланнылар.
Кыттааччылар тэрээһин таһыма үрдүгүн бэлиэтээтилэр, онтон тэрийээччилэр «РНГ» АУо хампаанньатыгар махталларын биллэрдилэр.
Мииринэй куорат эбии үөрэхтээһинин киинин дириэктэрэ, турнир тэрийээччитэ Иван Федоров бэлиэтээбитинэн саахымат уонна дуобат киһи өйүн сайыннарыыга, араас быһыыны-майгыны түргэнник анализтыырга, элбэх түбэлтэҕэ суһаллык быһаарыныы ылынарга үчүгэйдик дьайар. Бу хаачыстыбалар хас биирдии киһи олоҕор наадалаахтар. Маны сэргэ, кини этэринэн, бизнес эйгэтэ маннык суолталаах тэрээһиннэри өйүүрэ ыччат сайдыытыгар, бүгүҥҥү көлүөнэ саахымакка уонна дуобакка интэриэһэ өссө күүстээх буоларыгар улахан оруоллаах.