Хампаанньа Саха Өрөспүүбүлүкэтин боксаҕа федерациятын президенэ Федотова А. И. аатынан ыытыллар эр дьон икки ардыгар күрэхтэһиигэ партнер быһыытынан кыттыыны ылла. Бүтүн дойдутааҕы турнир Мииринэй оройуона төрүттэммитэ 60 сылыгар уонна Мииринэй куорат 70 сылыгар ананна.
Күрэхтэһии – боксаҕа буолаары турар Россия чемпионатыгар сүүмэрдиир түһүмэх быһыытынан ыытылынна. Путевка иһин дойду 23 регионуттан 100-тэн тахса спортсмен кыттыыны ылла, кинилэр истэригэр Саха сирин спортсменнара бааллар. Кыттааччылар 13 ыйааһыҥҥа күрэхтэстилэр: 46 киилэттэн 92 киилэҕэ диэри уонна онтон үөһээ, олимпийскай системанан (бастакы кыайтарыы кэннэ туорааһын).
Турнир түмүгүнэн Саха сирин боксердара 26 мэтээли ылары ситистилэр, сүүмэрдэммит хамаанда Россия чемпионатыгар 7 путевканы ылары ситистэ.
Күрэхтэһии бочуоттаах ыалдьыттарынан аан дойду боксатын сулустара, олимпийскай чемпионнар Александр Поветкин, Александр Лебзяк уонна Олег Саитов буоллулар. Ааттаах-суоллаах, аатырбыт боксердар күрэхтэһээччилэргэ уонна көрөөччүлэргэ маастар-кылаастары ыыттылар.
«РНГ» АУо региоҥҥа ыытыллар спортивнай тэрээһиннэргэ мэлдьи көмө буолар, Саха сиригэр спорт уонна физическэй культура сайдыытыгар элбэх үлэни ыытар.