Перейти к основному содержанию

«РНГ» АУо Россиятааҕы Кыһыл Кириэс волонтердарыгар көмөлөстө

16 мая 2023

Общественнай тэриллии Саха сиринээҕи салаатын бөлөҕө, волонтердар иккис слёттарыгар кыттыыны ылла. Тэрээһин «РНГ» АУо өйөбүлүнэн Үс Хатыҥҥа ыытылынна, общественнай тэриллии 170 доброволеһа кыттыыны ылла.

Үөрэх кэмигэр ыксаллаах быһыыга хайдах дьаһанар, хайдах бастакы медицинскэй көмөнү оҥорор туһунан маастар-кылаастар ыытылыннылар, маны сэргэ, кыттааччыларга аварийнай-быыһыыр үлэлэргэ хайаан да тутуһуллар сүрүн быраабылалары билиһиннэрдилэр. Маастар-кылаастары таһынан волонтердарга суһал сулууспа сүрүн техникаларын уонна оборудованиеларын көрдөрдүлэр.

«Биһиги доброволецтарбыт ыксаллаах быһыыны-майгыны туоратыыга биир бастакынан кыттыыны ылаллар. «РНГ» АУо өйөбүлүн туһанан, суһал сулууспа үлэһиттэригэр көмө буолар, волонтердар ахсааннарын элбэтиэхпитин баҕарабыт», - диэн Россиятааҕы Кыһыл Кириэс Дьокуускайдааҕы региональнай салаатын бэрэссэдээтэлэ Алена Кычкина бэлиэтээн эттэ.

Сыл бүтэһигэр диэри хампаанньа өйөбүлүнэн Россиятааҕы Кыһыл Кириэс ыксаллаах быһыыга көмө буолар сыаллаах, иккис региональнай хамаандата тэриллиэҕэ. Саха сирин 9 муниципальнай тэриллиититтэн 20 киһи анал үөрэҕи ааһыахтара.

Теги