Россиятааҕы экономическэй оскуола партнердарын түмэр тэрээһинигэр хампаанньа «Россия үөрэхтээһинигэр уонна наукатын сайдыытыгар сүҥкэн кылаатын иһин» диэн үйэлээх бэлиэни тутта.
«РНГ» АУо РЭШ өйөбүлүн прорамматын 2020 сыл балаҕан ыйыгар саҕалаабыта. Бииргэ үлэлэһэр сыллар усталарыгар оскуола сайдыытыгар төһүү күүс буолар сүрүн тосхоллору тутуһан үлэлээн кэллилэр: профессорскай позиция финансовай хааччыллыытыгар, талааннаах устудьуоннары өйүүр граннар, атын регионнартан кэлэр оҕолор уопсай дьиэнэн хааччыллыылара, оскуола саҥа дьиэтин атыылаһарыгар харчынан көмөлөһүү.
Антон Суворов – профессор, РЭШ ректора: «Биһиги «РНГ» АУо-ҕа улахан көмөҕүт иһин махтанабыт. Бу оҥорор үлэлэрэ аҥардас оскуола сайдыытыгар эрэ буолбакка бүттүүн дойду сайдыытыгар дьоһун кылаат буолар. Россиятааҕы экономическэй оскуоланы бүтэрээччилэр үөрэх кэмигэр «РНГ» АУо көмөтүнэн араас граннары туһанан үп-харчы хайысхатыгар, консалтинг, IT эйгэтигэр, модун Россия сайдыытын туһугар араас улахан тэрилтэлэргэ ситиһиилээхтик үлэлии-хамсыы сылдьаллар. Үөрэҕи бүтэрээччилэр аҥардара наука хайысхатын талан аспирантураҕа үөрэхтэрин салгыыллар».
2022 сыллаахха Россиятааҕы экономическай оскуола хампаанньа аатын сүгэр анал үөрэнэр хоһу арыйбыта.