Сыл саҕаланыаҕыттан хампаанньа тэрилтэҕэ харчы көрөн, медицинскэй оборудованиеҕа туттуллар расходнай матырыйааллары атыылаһарга көмөлөстө. Бу көмөнү Москва уобалаһыгар баар оҕо хоспиһын көрүүтүгэр сылдьар ыарыһахтар туһаннылар.
Хоспис оҕолоругар тыҥаны тыыннарар (ИВЛ) аппараттар улахан көмөлөөхтөр. Маны сэргэ, оҕолор тыыналларыгар кислороднай концентратордар уонна аспиратордар көмө буолаллар. Бу оборудованиеларга, хас 3 уонна 6 ый ахсын уларыйар, эбии расходнай матырыйааллар наадалар.
««РНГ» АУо өйөбүлүнэн, биһиги, оборудованиены саҥардыыга саппаастары атыыластыбыт. Хампаанньа өрүү өйөбүл уонна көмө буоларын иһин муҥура суох махталбытын биллэрэбит. Эһиги баар буолан ыарыыга ылларбыт, көрүүгэ-истиигэ сылдьар дьоммут олохторо көмүскэллээх», – диэн «Дом с маяком» аһымал пуонда толорооччу дириэктэрэ Елена Куперштох санаатын үллэһиннэ.
Маны таһынан, ааспыт сылга «РНГ» АУо ыарыһах оҕолорго ананар ас-үөл анал оборудованиетын атыылаһарга диэн 2 мөлүйүөн харчынан көмөлөспүтэ.