Сыл саҕаланыыта хампаанньа коммерческэйэ суох тэрилтэҕэ, оҕо дьиэлэриттэн көрүүтэ-истиитэ суох хаалбыт оҕолору ииттэ ылыан баҕалаах дьиэ кэргэттэргэ көмө буолар сыаллаах тэрээһиннэри ыытарга диэн, биир мөлүйүөн сууммалаах харчынан көмө оҥорбута.
Куурустар ыам ыйын ортотуттан саҕаланыахтара. Уопсайа икки бөлөх тэриллэн, 40 киһи анал үөрэҕи ааһыахтара. Кинилэргэ 13 араас дьарыктар, лекциялар ыытыллыахтара, исписэлиистэр дьиэ кэргэн оҥкулун оҥорорго, оҕону иитиигэ уонна ыарахаттары хайдах туоруурга сыһыаннаах ыйытыыларга хоруй биэриэхтэрэ. Түмүккэ, бары кыттааччылар, «Школа приемных родителей» куурустарын бүтэрбиттэрин туһунан туоһу сурук тутуохтара.
Бу сыл саҕаланыаҕыттан бэлэмнэнии куурустарын номнуо 4 бөлөҕүнэн 75 киһи ааста. 12 оҕо дьиэтин иитиллээччилэрэ саҥа дьиэ кэргэттэрин буллулар.
«Партнердарбыт көмөлөрүнэн, ол иһигэр «РНГ» АУо өйөбүлүнэн приемнай төрөппүттэр оскуолаларыгар оҕону ииттэ ылыан баҕалаахтары бэлэмнииргэ үлэни салгыы ыытабыт. Сыл бүтүөр диэри, былаан быһыытынан, 200 киһини хабыахтаахпыт. Ол аата, өссө хас эмэ уонунан оҕо саҥа дьиэ кэргэн буларыгар эрэл кыыма үөскүүр», – диэн дьиэ кэргэн оҥкулун сайыннарар Институт дириэктэрэ Анастасия Евсеевичева бэлиэтээн эттэ.
Маны таһынан, Москваҕа сыл устата бырайыак чэрчитинэн, дьиэ кэргэттэргэ психологическай консультациялар ыытыллыахтара. Бүгүҥҥү күҥҥэ 400-тэн тахса консультация ыытылынна.