Хампаанньа Арктикатааҕы Культура уонна Искусство Судаарыстыбаннай Институтун (АГИКИ) устудьуоннарыгар уонна уһуйааччыларыгар бэстибээл кэмигэр олорор сирдэрин уонна астарын хааччыйда.
«Твой шанс | ГИТИС fest» устудьуоннар дипломнай испиктээкиллэрин норуоттар икки ардыларынааҕы бэстибээлэ Москва куоракка муус устар 15 күнүттэн муус устар 30 күнүгэр диэри ыытыллыаҕа. Ый аҥарын кэмигэр бэйэлэрин дипломнай үлэлэрин Россия, Индия, Сербия уонна Кытай театральнай үрдүк үөрэҕин кыһаларын бүтэрээччилэр көрдөрүөхтэрэ. Уопсайа 23 араас ис хоһоонноох испиктээкиллэр көстүөхтэрэ.
АГИКИ устудуьоннара ГИТИС тыйаатырыгар «Песнь летящей стрелы» диэн испиктээкили дьон дьүүлүгэр таһаарыахтара, норуот ырыатыгар атын театральнай ВУЗтар үөрэнээччилэригэр маастар кылаастары ыытыахтара, Россия народнай артыыһа, институт профессора Андрей Борисов аһаҕас лекция ааҕыаҕа.
«РНГ» АУо ГИТИС уонна АГИКИ бииргэ үлэлэһэр бырайыактарын хаһыс да сылын өйүүр. Бииргэ үлэлэһии бырайыагын чэрчитинэн дойду биир бастыҥ театральнай үрдүк үөрэҕин кыһата Саха сирин устудьуоннарыгар көмө буолан дипломнай испиктээкиллэрин Дьокуускайга туруорбута, Москваҕа бастыҥ үөрэх кыһатыгар идэ таһымын үрдэтии үөрэҕин ааспыттара. Маны сэргэ ГИТИС үлэһиттэрэ Өрөспүүбүлүкэҕэ кэлэн эмиэ элбэх үлэни ыыппыттара.