Экологтар Бүлүүтээҕи водохранилище боротуокатыгар – Аанньаах үрэххэ «РНГ» АУо-тан 185 тыһыынчаттан тахса лососевай көрүҥ балык ыаматын уонна кини иһинэн үлэлиир тэрилтэттэн 15 тыһыынча ыаманы ыыттылар.
«РНГ» АУо сакааһынан балык ыамаларын анаан-минээн Чернышевскайдааҕы балык собуотугар иитэн таһаараллар. Бу тэрилтэ Саха сиригэр үлэлиир соҕотох балык собуота. Балык иитиитигэр туһаныллар ууну Бүлүүтээҕи водохранилищеттан ылыллар, искэхтэн ыаманы иитэн таһаарыы хас да ыйдаах үлэ түмүгэ буолар.
Балык ыытар сиргэ, үрэххэ эбэтэр өрүскэ, ыамалары кислородунан хааччыллыбыт полиэтиленовай улахан пакеттарга уган аҕалаллар. Капсула уута өрүс уутун температуратын кытары тэҥнэстэҕинэ балык ыамаларын ууга ыыталлар. 2018 – 2024 сс «РНГ» АУо экологтара Саха сирин өрүстэригэр мөлүйүөн 767 тыһ. быраҥаатта балык ыаматын ыыттылар.
Исписэлиистэр бу үлэ үтүө түмүктэрдээх буолуоҕун бэлиэтииллэр. Номнуо үс сылынан балык төрүөх аҕалан Саха сирин ууларыгар сыаннай балык ахсаана биллэ элбиэхтээх.