Хампаанньа уу биоресурсаларын искусственнай буоһатыы программатын салгыы олоххо киллэрэр. «РНГ» АУо экологтара Саха Өрөспүүбүлүкэтигэр Бүлүүтээҕи водохранилищеҕа 800 тыһыынча балык ыаматын ыыттылар. Бу сыаннай боруода балыктарга киирсэр. Быйылгы сыллааҕы көрдөрүү урукку сыллардааҕар 4 төгүл курдугунан элбэх.
Балык «РНГ» АУо сакааһынан Мииринэй оройуонугар Чернышевскайдааҕы балык собуотугар аныгы технология көмөтүнэн иитиллэн тахсар. Иитиллэр усулуобуйа балык ууга олохсуйар дьиҥнээх усулуобуйатыгар төһө кыалларынан майгынныыр уонна улаатар бириэмэтэ хас да ыйы ылар.
Балык ыамаларын өрүстэргэ ыытыах иннинэ уулаах полиэтиленовай капсулаларга уган илдьэллэр. Исписэлиистэр өрүскэ ыытар балыктарыгар капсула температуратын аһаҕас уу температуратын кытта тэҥнииллэр. Оччотугар өрүстэргэ балык тыыннаах хаалан ууһуурун көрдөрүүтэ үрдүүр диэн экспертар бэлиэтииллэр. Номнуо 3 сылынан улааппыт балык төрөөн-ууһаан саҕалыыр.
«РНГ» АУо сыл ахсын Саха сирин өрүстэригэр балыгы ыытыы үлэтин оҥорор. Бу ыытыллар үлэ сыаннай боруода балыктарынан уулаах сирдэри байытарга уонна регион экосистематын өрө тутарга, сайыннарарга туһалаах. 2018 сылтан саҕалаан хампаанньа экологтара 3,5 мөлүйүөн өрүс балыгын сыаннай боруодатын ыаматын ыыттылар. Онтон «РНГ» иһинэн үлэлиир хампаанньалар өҥөлөрүн эптэххэ 7 сыл иһигэр 4 мөлүйүөн кэриҥэ балык ыамата ыытылынна.