Хампаанньа тэрилтэ көрүүтүгэр-истиитигэр сылдьар ыарыһахтарга анаан медицинскэй оборудование уонна киниэхэ наадалаах расходнай матырыйааллары атыылаһарга анаан үбүлээһини оҥордо.
“Дом с маяком” аһымал пуонда Москва уонна Москва уобалаһыгар баар оҕо уонна эдэр ыччат хоспистарын кытта үлэлэһэр. Бу хоспистарга, уопсайа, көмөҕө уонна өйөбүлгэ наадыйар 800-тэн тахса дьиэ кэргэн баар.
Пуонда медицинскэй арыаллааһыны оҥорор, психологическэй, социальнай, быраабы көмүскээһиҥҥэ үлэлэһэр, кыаммакка, ыарыһахха үтүөнү оҥорон өйөбүл буолар. Тэрилтэ бүддьүөтэ бүтүннүүтэ чааһынай дьон уонна тэрилтэлэр көмө харчыларыгар тирэҕирэн олохтонор. Кыһалҕалаах дьиэ кэргэн көмөнү буор босхо туһанар.
«РНГ» АУо үтүө санаа пуондатыгар тиһигин быспакка көмөлөһөр. Ааспыт сылга хампаанньа ыарахан туруктаах ыарыһах оҕолорго аналлаах медицинскэй оборудование атыылаһыытыгар күүс-көмө буолбута, онтон бы сыл олунньутугар расходнай матырыйааллары атыылааһарга анаан тустаах үбүлээһини оҥорбута.