Бырайыак хампаанньа уонна Фабио Мастранджело музыкальнай искусство сайдыытын пуондатын икки ардыгар түһэрсиллибит уһун кэмнээх бииргэ үлэлэһии сөбүлэҥин докумуонугар олоҕуран олоххо киирэр.
Фестиваль бастакы кэнсиэрэ Д.К.Сивцев - Суорун Омоллоон аатынан Саха Өрөспүүбүлүкэтин опера уонна балет тыйаатырыгар ыытылынна. Эдэр композитордар С. В. Рахманинов айымньыларын ааҕыытын араас көлүөнэ музыканнарын доҕуһуолларыгар толорон киэҥ эйгэҕэ билиһиннэрдилэр.
Саха сирин филармониятын көрөөччүлэрэ, фестивальга кыттыыга сүүмэрдиир түһүмэҕи ааспыт саҥа саҕалыыр музыканнар толорууларын тэҥэ, бүтүн дойдутааҕы, норуоттар икки ардыларынааҕы куонкурустар кыайыылаахтарыттан вокал уонна фортепиано партияларын иһиттилэр. Тэрээһин ыҥырыылаах ыалдьытынан Михайловскай тыйаатыр солиһа, Мариинскай тыйаатыр ыҥырыылаах солиһа Дмитрий Головнин буолла. Кыттааччыларга доҕуһуоллаата - Владимир Онуфриев салайааччылаах «Symphonica ARTica» симфоническэй оркестра.
«Мой Рахманинов» бырайыак чэрчитинэн Дьокуускайга сэтинньи 28 уонна ахсынньы 11 күннэригэр өссө 2 тэрээһин ыытыллыаҕа.