Саха Өрөспүүбүлүкэтигэр «РНГ» АУо үбүлээһининэн ыытыллар үөрэхтээһин эйгэтин бэһис, үбүлүөйдээх куонкуруһун бастыҥнарын быһааран, кыайыылаахтары үөрүүлээх быһыыга эҕэрдэлээтилэр. Хампаанньа - тэрээһини көҕүлээччи уонна Генеральнай партнер. Тэрийээччилэр, үгэс быһыытынан, СӨ үөрэххэ уонна билимҥэ министиэристибэтэ уонна СӨ үүнэр көлүөнэҕэ пуондата.
Быйылгы сылга сайаапка ахсаана, хайа да сыллааҕар, элбэх буолла – 478. Куонкуруска муниципальнай тэриллиилэртэн 367 педагог кыттыыны ылла, ол иһигэр 111 – судаарыстыбаннай уонна судаарыстыбаннайа суох тэриллиилэр. Сылтан сыл тэрээһин үөрэхтээһин эйгэтигэр киэҥник биллэн, улахан биһирэбили ылар.
Күрэх түмүгүнэн Саха сирин 100 бастыҥ уһуйааччыта «РНГ» АУо аатыттан 100-түү тыһыынча бириэмийэ туттулар.
Саха Өрөспүүбүлүкэтин бырабыыталастыбатын бэрэссэдээтэлин солбуйааччы Сергей Местников бу курдук бэлиэтээтэ: «Бизнес социальнай эппиэтинэһин толорон, республика учууталларын өйүүр “РНГ” АУо-ҕа ис сүрэхтэн махтал тылларын тиэрдэбин. 5 сыл иһигэр куонкуруска 2000 тыһыынчаттан тахса педагог кыттыыны ылла, мантан 500 учуутал лауреат үрдүк аатын сүктүлэр. Сыл аайы кыттааччы ахсаана элбиирэ бириэмийэ оруола улахан суолталааҕын, учууталлар таһымнарын үрдэтэргэ кыах биэрэрин, саҥаттан-саҥаны айарга көмө буоларын көрдөрөр. Эрэнэбин, Саха Өрөспүүбүлүкэтин Ил Дарханын уонна тустаах министиэристибэ өйөбүллэринэн оҥоһуллар көҕүлээһин өссө да салҕаныаҕа».
«РНГ» АУо инникитин учуутал идэтин таһымын үрдэтэн, педагогтарга көмө буолан, Саха Өрөспүүбүлүкэтин үөрэхтээһинин эйгэтин инники сайдыытыгар олук ууран бу куонкуруһу салгыы өйүөҕэ.
Кыайыылаах учууталлары уонна СӨ үөрэхтээһин уонна наука министиэристибэтин кытта кэпсэтиилэри «РНГ» АУо саайтыгар киирэн бу ссылканан билсиэххитин сөп.
