AK&M ааҕыныстыба рейтинг таһаарыытыгар хампаанньа үлэтигэр үрдүк сыанабылы биэрдэ. «А» рейтинг диэн «РНГ» АУо Россия иһигэр үлэлиир баараҕай хампаанньалар истэригэр бастыҥ үлэлээҕин, үрдүк таһымнааҕын туоһулуур.
Бэлиэтээн эппиттэринэн, Хампаанньа бигэ тирэхтээх сайдыы оҥкулларыгар улахан болҕомто ууран үлэлиир. Аналитиктар ордук тоһоҕолоон «РНГ» АУо тулалыыр эйгэҕэ, айылҕа харыстабылыгар сыһыанын, корпоративнай салайыы көдьүүһүн, регионнааҕы былаас уорганнарын уонна олохтоох уопсастыбаннай тэрилтэлэри кытта биир ситимнээх үлэлэрин бэлиэтээн эттилэр.
Отчуокка экологическэй менеджмент уонна региоҥҥа айылҕа боппуруостарыгар, сөптөөхтүк туһаныы бэлиитикэтэ үрдүктүк сыаналанна. Сүрүн уонна тутаах ситиһиилэринэн буолаллар - атмосфераҕа киртитэр веществолары быраҕыыны аҕыйатыы, оҥорон таһаарыы бөҕүн кыра таһымҥа түһэрии, ойууру чөлүгэр түһэрии, уу биологическэй ресурсаларын тупсарыы.
Хампаанньа ньиэп тохтуутун аччатан айылҕаҕа хоромньуну таһаарбат туһунар комплекснай миэрэлэри тутуһан үлэлиир. Геологическэй чинчийиилэргэ, сир баайдаах сирдэри туһаныыга, оҥорон таһаарыыны автоматизированнай систиэмэҕэ көһөрүүгэ, инфраструктураны сайыннарыыга улахан болҕомтотун уурар.
Маны таһынан, аналитиктар «РНГ» АУо киһи хапытаала сайдыытыгар болҕомто уурарын бэлиэтээтилэр. Хампаанньа үлэһиттэрин социальнай харыстабыллара бастакы миэстэҕэ туруохтааҕын, үлэ усулуобуйата тупсуохтааҕын уонна бары ирдэбилгэ эппиэттиир буолуохтааҕын бэлиэтииллэр. «РНГ» АУо сыл ахсын Россия бастыҥ үлэ биэрээччилэрин рейтинин финалыгар киирэр.
