Мииринэйдээ5и техническэй колледжка «Профессионалы–2025» Бүтүн Дойдутааҕы чемпионат регионнааҕы түһүмэҕэр устудьуоннар маастарыстыбаларын көрдүлэр.
Күрэхтэһиигэ икки идэ таһыма сыаналанна: «Добыча нефти и газа» уонна «Подготовка и транспортировка нефти». Маастарыстыбаларын Мииринэйдээҕи уонна Сунтаардааҕы техническэй колледж, Ленскэйдээҕи технологическэй техникум устудьуоннара көрдөрдүлэр. «Фабрика процессов полного цикла» диэн үөрэх полигонун базатыгар кинилэр араас модульлары оҥорон сорудахтары толордулар.
«РНГ» АУо ниэби уонна гааһы бэлэмниир отделыникылаабынай исписэлииһэ Айсен Васильев идэ таһымын үрдэтэр чемпионакка дьүүллүүр сүбэҕэ киирбитэ. Экспертэр үлэ хаамыытыгар, билии таһымыгар, түргэнник туттарга, сэрэхтээх буолуу өттүн сыныйан көрдүлэр.
Хас биирдии кыттааччы билиитэ-көрүүтэ үрдүктүк сыаналанна. Бастыҥ түмүктэри Мииринэйдээҕи техническэй колледж, чуолаан, энергетика, ньиэп, гаас салааларын устудьуоннара көрдөрдүлэр.
«РНГ» АУо ньиэп уонна гаас сайдыытын хайысхатыгар, уопсайынан Саха сиригэр үөрэхтээһин сайдыытыгар үрдүк таһымнаах, идэлээх дьону бэлэмнииргэ улахан кыһамньытын ууран үлэлиир.