Хампаанньа номнуо 3-с сылын Росприроднадзор нөҥүө бигэргэммит бырайыак партнерун быһыытынан бииргэ үлэлэһэр. Тэрээһин ыччат өйүн-санаатын экологическэй хайысхаҕа сыһыарыыга уонна айылҕа харыстабылын эйгэтигэр билиитин күүһүрдүүгэ анаан тэриллэр.
«Экология – дело каждого» бириэмийэ 4-с сезонугар сайаапкалары хомуйуу алтынньы ыйга саҕаламмыта, итиэннэ, муус устар ыйга түмүктэниэхтээх. 4-с сезоҥҥа сайаапкалары хомуйуу болдьоҕо уларыйда. Уларыйыы курэстэһии кыайыылаахтара уонна дипломаннара үрдүк үөрэх кыһаларыгар киирэллэригэр көрүллэр чэпчэтиини туһаныыны кытары сибээстээх. Ол курдук, ааспыт сезон 9 кыайыылаах оҕото үрдүк үөрэххэ киирэллэригэр эбии 2-лии балл аахсыбыттара.
Саҥа сезон барылыгар сурулларынан айар үлэлэр 10 тус номинациянан сыаналаныахтара, маны таһынан, өссе 2 номинация хамаандаларга ананыаҕа. «Экосоюз» бөлөххө тулалыыр эйгэ харыстабылыгар үлэлэһэр уонна 18-гар диэри саастаах ыччаты хабан үлэлиир тэрилтэлэр киирсэллэр. Онтон «Экопросвещение», «Экология души» уонна «Экотуризм» бөлөхтөргө кыттааччы сааһыгар хааччах суох.
4-с төгүлүн ыытыллар күрэх түмүгэ кэлэр сылга тахсыаҕа.