«РНГ» АУо Росприроднадзор тэрийэн ыытар бириэмийэтин номнуо 3-с сылын өйүүр. Төрдүс сезон саҕаланыытын ааспыт сыл алтынньы ыйыгар биллэрбиттэрэ.
Быйылгы сылга кыттааччылартан сайаапкалары 10 номинация5а ылаллар уонна эбии 2 хамаанданан номинацияҕа күрэх биллэриллэн турар. Финалистар сыаналаах бэлэхтэринэн наҕараадаланыахтара уонна «Орленок» лааҕырга сынньанарга путевкалары тутуохтара. Маны сэргэ, үрдүк үөрэх кыһаларыгар туттарсан киирэргэ эбии бааллары аахсыахтарын сөп.
Лауреаттарга, кыайыылаахтарга, бириис хаһаайыттарыгар үрдүк үөрэх кыһаларыгар 1-тэн 10-ҥа диэри эбии бааллары аа5ыахтарын сеп. Манна эбии сорох ВУЗтар «Экология – дело каждого» II, III уонна IV сезон кыайыылаахтарыгар эмиэ баал эбиэхтэрэ. Бу маннык хамсааһын үөрэххэ туттарсааччыларга бүддьүөт миэстэтигэр киирэргэ , целевой үөрэххэ уонна үрдүк үөрэх кыһатыттан босхо үөрэнэргэ анаммыт граннары туттарга көмөлөөх буолуохтара.
Бүгүҥҥү күҥҥэ маннык кыаҕа дойду бары федеральнай уокуруктарыттан 87 бастыҥ үрдүк үөрэх кыһата биэриэҕэ. Калининградтан Уһүк Илин үокурукка тиийэ үөрэх кыһалара хабылыннылар.