Хампаанньа Мииринэй куорат олохтоохторугар саҥа, аныгы оҕо былассааккатын бэлэхтээтэ. Бэрт кылгас кэм иһигэр, араас саастаах оҕолор интэриэстэрин учуоттаан, бэртээхэй, сынньанар эйгэни үөскэтэр тутуу ыытылынна. Икки тыһыынча кэриҥэ квадратнай миэтирэ иэннээх сиргэ оонньуур комплекс, кумахтаах сир, спортивнай тэриллэр, хаачыаллар турдулар, анныгар анал эрэһиинэ бүрүөһүнү тэргээтилэр.
Оҕо былассааккатын арыйыы – «РНГ» АУо Саха сирин территориятыгар ыытар социальнай политикатын биир сүрүн түһүмэҕэ буолар. Аныгы геологоразведочнай ньиэп уонна гаас хампаанньата культурнай, үөрэхтээһин уонна экологическэй бырайыактары тиһигин быспакка өйүүр. Бүгүҥҥү күҥҥэ элбэх бырайыак үтүө үгэскэ кубулуйан, хаһыс да сылын тэрээһиннээхтик ыытыллар.
Сиһилии - «Якутия. Инфо» порталга ааҕыҥ
