Уһун кэмнээх кэскиллээх былааннааһын үлэтигэр сөптөөх дьаһаныы, итиэннэ хамаанда үлэһиттэрин таһыма үрдүк буолан «РНГ» АУо туруоруммут сыалларын ситиһиигэ, былааны толорууга сылы бэрткэ түмүктээтэ. Ааспыт сыл түмүгүнэн аныгы ньымалары туһаныыга, оҥорон таһаарыы көрдөрүүтэ улаатыытыгар, хампаанньа эбийиэктэригэр инфраструктураны сайыннарыыга элбэх үлэ ыытылынна. «РНГ» АУо регион социальнай-экономическэй сайдыытыгар сүҥкэн кылаатын киллэриини салгыы ыытар.
Олунньу 1 күнэ
«РНГ» АУо нефтесервиснай салаа бэрэстэбиитэллэригэр анаан хаачыстыба күнүн тэрийдэ
Бэһис төгүлүн, сыл ахсын ыытыллар «День качества — 2021» конференция Москваҕа ыытылынна. Тэрээһиҥҥэ «РНГ» АУо геология уонна скважиналары буурдааһын салалталарын үлэһиттэрэ, нефтесервиснай улахан тэрилтэлэр, инжиниринговай уонна IT- хампаанньалар исписэлиистэрэ кыттыыны ыллылар.
Кулун тутар 4 күнэ
«РНГ» АУо Мииринэйдээҕи балыыһаҕа аныгы эпэрээсийэлиир остуоллары туттарда
«РНГ – медикам» үтүө санаа программатын чэрчитинэн хампаанньа түөрт аныгы, хомуллар эпэрээсийэлиир остуоллары быраастарга тириэртэ. Мииринэй оройуонун киин балыыһата (ЦРБ) күн ахсын Саха сирин арҕаа сытар оройуоннарын олохтоохторун хааччыйар, күн ахсын былааннаммыт уонна суһал эпэрээссийэлэри оҥорор.
Ыам ыйын 20 күнэ
«РНГ» АУо Саха Сиригэр хостообут ниэбин сүүһүс баартыйата тиэлиннэ
Үбүлүөйдээх ниэп тиэллиитэ «Транснефть – Порт Козьмино» ХЭТ пуордугар ыытылынна. Ниэби туттарыы сүрүн хайысхата — Кытай.
Ыам ыйын 27 күнэ
Саха Өрөспүүбүлүкэтин Ил Дархана регион сайдыытыгар «РНГ» АУо улахан кылаатын бэлиэтээтэ
Айсен Николаев Саха Сирин экономикатын сайдыытыгар хампаанньа сүҥкэн суолталаах үлэтин үрдүктүк сыаналаата.
Регион Аҕа баһылыга бу курдук бэлиэтиир: ««РНГ» АУо – дойду топливнай-энергетическэй комлексын биир бастыҥ үлэлээх тэрилтэтэ. Хампаанньа Өрөспүүбүлүкэ сайдыытыгар ыытар үлэтэ киэҥ хабааннаах».
Бэс ыйын 17 күнэ
«РНГ» АУо бигэ тирэхтээх сайдыы уобалаһыгар «А» рейтиҥҥэ киирдэ
AK&M ааҕыныстыба хампаанньа үлэтин национальнай рейтиҥҥэ саамай үрдүктүк сыаналаата. «РНГ» АУо экономическэй, социальнай уонна экологическэй хайысхаларга ыытар үлэтин аналитиктар бэлиэтии уонна биһирии көрдүлэр. AK&M экспертэрэ «РНГ» хампаанньа киһи хапытаалын сайыннарыы боппуруостарыгар, үлэ харыстабылыгар уонна промышленнай куттал суох буолуутун хааччыйыытыгар, тус сыаллаах программаларыгар ураты сыһыаныгар эмиэ тохтоон, бэлиэтээн аастылар.
Атырдьах ыйын 13 күнэ
«РНГ» АУо аныгылыы ньыманан ыытар геологическэй чинчийиилэрэ үтүө түмүктэрдээхтэр
Орто Ботуобуйатааҕы ниэп, газ, газ конденсата хостонор баайдаах сир Илиҥҥи хайысхатыгар (ВБ СБ НГКМ) 515-Р скважина ботуобуйатааҕы саҕаҕын туһаҕа киллэриитэ түмүктэннэ. Ол түмүгэр сууккаҕа 40 туонна дебиттээх промышленнай ниэп ылылынна.
Балаҕан ыйын 29 күнэ
«РНГ» АУо «Мост искусств» пуонданы кытта сөбүлэҥ түһэристэ
Анал программа көмөтүнэн Саха Сирин культурнай кыаҕын өйөөһүн уонна арыйыы буолар. Маныаха айар талааннаах ыччаты иитии, кинилэр бу хайысха5а ситиһиилээхтик үлэлииллэригэр усулуобуйаны тэрийии, культура тэрилтэлэрин кытта биир ситимнээх үлэ уонна да атын араас бырайыактары көҕүлээһин киирэр. Культура уонна үөрэхтээһин салаатыгар, программа чэрчитинэн Саха сирин симфоническэй оркестырын, республика тыйаатырдарын киэҥ эйгэҕэ таһаарыыга, аан дойдуга аатыралларыгар болҕомто ууруллуо5а.
Алтынньы 14 күнэ
«РНГ» АУо уонна РЭШ бииргэ үлэлэһиини салгыыллар
Хампаанньа салалтата 2021/22 үөрэх сылыгар Россиятааҕы экономическэй оскуоланы (РЭШ) өйүүр үлэтин салгыы ыытарын туһунан быһаарыныы ылынна. Үтүөнү оҥоруу тус сыаллаах тосхол 2020 сыл балаҕан ыйыттан үлэтин саҕалаабыта. Программаҕа үөрэх граннара, регионннартан кэлэр устудьуоннары өйүүр барыллар, үөрэх кыһатын чинчийэр үлэтин көҕүлээһин тиһиктэрэ киирэллэр.
Алтынньы 22 күнэ
«Бүлүү» Федеральнай суолга саҥа учаастак арылынна
«Бүлүү» федеральнай айан суолун А-331 учаастагар суоллары тутуу тус сыаллаах программатын чэрчитинэн «РНГ» АУо бөлөҕө саҥа асфальт бүрүөһүнүн ууран саҥа суолу үлэҕэ киллэрдэ. Төһө да хамсык ыарыыта бүрүүкээн турдар үлэ болдьоҕор түмүктэннэ. Саҥа бүрүөһүннээх суол учаастага Ленскэй уонна Мииринэй куораттарын икки ардыгар тутулунна.
Ахсынньы 3 күнэ
«РНГ» АУо 3 мөлүйүөн туонна ниэби хостоото
Орто Ботуобуйатааҕы ниэп, гаас, гаас конденсата хостонор сирин Илин блога (ВБ СБ НГКМ) үлэҕэ киириэҕиттэн ниэп хостонуутун көрдөрүүтэ 3 мөлүйүөн туоннаҕа тиийдэ. Хампаанньа геологическэй чинчийии ньымаларын тупсарар, сири хастарыы көдьүүстээхтик ыытылларын ситиһэр, оҥорон таһаарыы хас биирдии түһүмэҕэр цифровой технологиялары туһанар, аан дойду таһымнаах ниэп хампаанньаларын кытары бииргэ үлэлэһэр, былааннаахтык оҥорон таһаарыы күүһүн кэҥэтэр.
Ахсынньы 30 күнэ
«РНГ» АУо уонна Россиятаа5ы КыҺыл Кириэс бииргэ үлэлиэхтэрэ
«РНГ» АУо ыксаллаах түгэҥҥэ түбэспит дьоннорго көмөлөһөр сыаллаах «Россиятааҕы Кыһыл Кириэс» бүтүн дойдутааҕы общественнай тэрилтэ бырайыактарын өйүөҕэ. Бииргэ үлэлэһии торумугар олохтоох нэһилиэнньэ доруобуйатын харыстабыла итиэннэ ыксаллаах быһыыга түбэспит дьону аһынан, табаарынан хааччыйыы көҕүлээһиннэрэ киириэхтэрэ. Сөбүлэҥ быһыытынан үлэ сүрүннээн Саха Өрөспүүбүлүкэтин территориятын хабыаҕа.