Перейти к основному содержанию

«РНГ» АУо «Мост искусств» пуонданы кытары бииргэ үлэлэһиэҕэ

31 августа 2021

Норуоттар икки ардыларынааҕы культурнай хамсааһыны сайыннарыыга бииргэ үлэлэһии — хампаанньа үлэтин биир сүрүн соруга.  2021 сыл  атырдьах ыйын 25 күнүгэр  «РНГ»  АУо  өйөбүлүнэн Английскай посол резиденциятыгар Софийскай набережнайга английскай композитор Уильям Уолтон музыкатыгар олоҕуран А.П. Чехов «Медведь» оператын сүрэхтэниитэ  буолан ааста.  Культура эйгэтин биир бастыҥ тэрээһинин «Мост искусств» пуонда тэрийэн ыытта.

«РНГ» АУо пуонда бырайыактарын үрдүктүк сыаналыыр  уонна өйүүр. Маннык  бырайыактар аан дойду таһымыгар культурнай сибээһи олохтуур улахан оруоллаахтар.

Оннук бырайыактартан биирдэстэрэ Российскай Федерацияҕа Великобритания Посола Дебора Броннерт  английскай композитор Уильям Уолтон музыкатыгар олоҕурбут  А.П. Чехов «Медведь» оператын премьерата буолар.

Кэнсиэргэ кыттыыны ыллылар: ырыаһыт  Дарья Давыдова,  Бриттен-Шостакович(BSFO, Britten-Shostakovich Festival Orchestra)  Фестивальнай оркестыра  уонна  английскай дирижёр, оркестр төрүттээччитэ  Ян Латам-Кениг.

«РНГ» АУо генеральнай дириэктэрэ  Владимир Ракитин бу курдук бэлиэтиир: «Бизнес уонна культура эйгэтин биир тэҥник өрө тутуу  үтүө үгэһин хампаанньа салҕыыр. Үөһэ этиллибит бырайыагы өйөөһүн – ол хайысха биир сүрүн суола буолар. Пуонданы кытта үлэ инникитин да салҕаныаҕа».

«Мост искусств»  пуонда  2017 сыллаахха төрүттэммитэ. Пуонда үлэтин сүрүн сыала – норуоттар икки ардыларынааҕы культурнай сибээһи хаҥатыы, сайыннарыы уонна  күүһүрдүү.

Пуонданы тэрийээччи – Ханс-Йоахим Фрай – Австрияҕа, Германияҕа уонна  Россияҕа  үлэлиир культурнай эйгэ менеджерэ,  Сочи куоракка «Сириус» уус-уран салайааччыта.  «Мост искусств» пуонда попечительскэй сэбиэтин бэрэссэдээтэлэ  – Швыдкой Михаил Ефимович – норуоттар икки ардыларынааҕы культурнай сибээһи олохтооһуҥҥа Российскай Федерация президенин бэрэстэбиитэлэ.