Перейти к основному содержанию

«РНГ» АУо Мииринэй оройуонугар көмөтүн иһин олохтоох дьаһалта махталын биллэрэр

26 февраля 2021

Мииринэй оройуонугар  тэриллибит коллегияҕа 2020 сылга биир ситимнээх үлэ түмүктэрин таһаардылар.

Мииринэй оройуонун баһылыга Ришат Юзмухаметов  улууска үлэлиир ниэп уонна газ хампаанньаларын  бэрэстэбиитэллэрин кытары көрүстэ. Көрсүһүүгэ олохтоохтору, олохтоох дьаһалта бэрэстэбиитэллэрин тэҥэ, онлайн-форматынан СӨ промышленноска миниистирэ Максим Терещенко кыттыыны ылла.

«РНГ»  АУо бэрэстэбиитэллэрэ регион сайдыытыгар туһаайбыт үлэлэрин түмүгүн таһаардылар. Кылаабынай инженери солбуйааччы Вадим Никитин анал иһитиннэрии оҥордо. Кини бэлиэтээн эппитинэн, РНГ хампаанньаҕа Мииринэй оройуонун 60 олохтооҕо үлэлиир. Маны сэргэ, хампаанньа ыытар үлэтин биир сүрүн оҥкулугар, ол эбэтэр айылҕаны харыстааһын анал миэрэлэригэр олоҕуран элбэх үлэ ыытылларын эттэ. Ол курдук,  быйылгаттан Орто Ботуобуйатааҕы ниэп, газ, газ конденсата хостонор сирдэрин Илин блогар гааһы төттөрү хачайдыыр бырайыак олоххо киириитэ  саҕаланан эрэрин  туһунан иһитиннэрдэ.

Ботуобуйа нэһилиэгин баһылыга  Агния Симонова «РНГ»  АУо үлэһиттэригэр махталын тиэртэ. Уонна хампаанньаны кытары үлэҕэ инники былааннар туһунан  сырдатта. Ол курдук, Таас-Үрэх нэһилиэгин иһинээҕи суолу асфальтааһыҥҥа, уонна мелиорация үлэтигэр техниканан хааччыйыыга былааннар баалларын туһунан үллэһиннэ.  Маны сэргэ, соҕуруулуу Сүлдьүкээр лицензионнай учаастактарыгар минерализованнай балаһаны ыраастааһын, ниэп турбатын нөҥүө булчуттар харгыһа суох сылдьалларын тэрийии, этнологическэй экспертизаны ыытыы үлэлэрэ барыахтаахтарын иһитиннэрдэ.

«РНГ»  АУо «РНГ-медикам» үтүө санаа аахсыйатын чэрчитинэн улуустааҕы киин балыыһаҕа элбэх киэҥ хабааннаах үлэ ыытар, транспортнай инфраструктура  сайдыытыгар улахан өҥөлөөх,  Мииринэй куоратыгар саҥа культура киинин тутарга үлэлэһэр. Элбэх үлэни республика социальнай да, экономическэй да сайдыытыгар туһаайыллыбыт бырайыактарга ыытар.

2020 сыл түмүгүнэн,  «РНГ» АУо нолуок уонна булгуччулаах төлөбүр быһыытынан  4,74 млрд солкуобайы төлөөтө.  Инньэ гынан,  Саха Сирин инники сайдыытыгар, биир сомоҕо буоларга, олохтоох дьаһалтаны кытары биир ситимнээх үлэни  тохтоппот былааннаах.