Саха Сиригэр 4 саҥа муоста арылынна. Аччыгый Ботуобуйаны туоруур муоста «РНГ» АУо көмөтүнэн тутуллан үлэҕэ киирдэ. Бу муоста Мииринэй уонна Сунтаар улуустарын харгыһа суох айан суолунан хааччыйда.
Алтынньы 18 күнэ 2020 сыл.
Саха Сирин арҕаа улуустарын муосталар эрэ ситимниир кыахтаахтар. Кэнники сылларга бу хайысхаҕа элбэх үлэ ыытыллар. Онон былаан барыта олоххо киирдэҕинэ, бэрт сотору кэминэн Дьокуускай уонна Мииринэй харгыһа суох айанныыр кыахтаныахтара.
Марха-2019
Саха Сиригэр Оччугуй Ботуобуйаны туоруур муоста үлэҕэ киирдэ.
Бу муоста республика икки улууһун ситимнээтэ. Олохтоохтор Федеральнай суолунан төгурук сыл устата харгыһа суох айанныыр кыахтаннылар. Муоста кэмигэр олоххо киириитигэр РНГ АУо улахан үлэни ыытта. Санатан эттэххэ, «Булуу» айан суолун эбийиэгэ федеральнай программа5а киирбитэ (трасса Иркутскай уобалас Тулуна куоратыттан Дьокуускайга диэри ). Муоста уһуна 192 м, 2,7 килэмиэтир усталаах кэрчиккэ асфальт уурулунна.
«РНГ» АУо муус устар ортотуттан Мииринэйдээҕи балыыһаҕа көмө оҥорор. Ол курдук ааспыт нэдиэлэҕэ оройуоннаҕы киин балыыһаҕа Cardiovit электрокардиограф, «Лидмелт» плазманы ириэрэр аппарат, Armed пульсоксиметырдар туттарыллыбыттара.
«Бүгүҥҥү күн дьоруойдара быраастар. Онон саҥа кэлбит харыстанар көстүүмнэр биһиги үрүҥ халааттаах аанньалларбытын инфекцияттан харыстыа», – диэн «РНГ» хампаанньа иһитиннэрэр.