СМИ биһиги туспутунан

Саха сирин социальнай-экономическэй сайдыытыгар кыттыыны ылыы – хампаанньа иннигэр тутар сүрүн соруга. Регион правительствота салайааччыга уонна коллективка нэһилиэнньэ олоҕун хаачыстыбата тупсарыгар анаммыт үлэлэрин үрдүктүк сыаналаан махталын биллэрдэ. Хампаанньа үлэһиттэригэр махтал суруктар уонна  «100 лет Якутской АССР» үбүлүөйдээх бэлиэлэр туттарылыннылар.

Бу туһунан сиһилии - СЗФО илдьитэ порталга ааҕыҥ.

«РНГ» АУо Россиятааҕы экономическэй оскуоланы кытары хаһыс да сылын бииргэ үлэлиир. Дойду талааннаах оҕолоро үөрэнэллэригэр анаан, үрдүк таһымнаах исписэлиистэри бэлэмнииргэ туһулаан, толору биитэр анардаммыт граннары олохтуур.

Маны таһынан, ааспыт сылга хампаанньа Россиятааҕы экономическэй оскуола саҥа үөрэнэр дьиэлэнэригэр, 4800 квадратнай миэтирэ иэннээх саҥа тутуу ороскуотун барытын уйуммута.

Сиһилии иһитиннэрии  – «Russia.24» интернет-таһаарыы анал саайтыгар ааҕыҥ.

Хампаанньа пуонданы кытары ыкса ситимнээхтик үлэлиир, спонсорскай уонна аһымал өҥөлөрү тиһигин быспакка оҥорор. «РНГ» АУо көмөтүнэн муус устар ыйга элбэх функциялаах медицинскэй ороннору уонна да атын, доруобуйаны чөлүгэр түһэрэргэ аналлаах, оҕо хоспистарын өйүүргэ туһуламмыт малы-салы атыыласпыта.

Бу иннинэ эмиэ хампаанньа көмөтүнэн уонна үбүлээһининэн анал кэлээскэлэри, ыарахан туруктаах оҕолорого анаммыт ходуноктары,  аһы-үөлү атыылаһан көмө буолбута.

Россия үрдүнэн саҥа арыллар сиртэн хостонор баайдаах сирдэр 90%-ра 5 мөлүйүөн туоннаттан элбэҕэ суох ниэптээхтэр. Бөдөҥ промышленнай хампаанньаларга бу кыра көрдөрүү. Ол иһин кинилэр манна, кыра хампаанньалартан уратылара диэн,  инвестиция оҥоро сатаабаттар.  Ол эрэн, экспертэр бэлиэтииллэринэн, чуолаан кыра тэрилтэлэр саҥа кэм ыҥырыытын түргэнник ылыналлар. Араас сыанабылынан,  кыра тэрилтэлэр,  2-тэн 4 бырыһыаҥҥа диэри углеводород хостууллар уонна сайдыыга киэҥ суолу тэлийэр кыахтаахтар.

Москваҕа муус устар 19 күнүттэн муус устар 23 күнүгэр диэри 21-с төгүлүн ыытыллар «Нефтегаз-2022» норуоттар икки ардыларынааҕы  тэрээһин уонна национальнай нефтегазовай форум  буолан ааста. Тэрээһин саҥа үйэ балысханнык сайда турар кэмигэр тэҥҥэ хардыылаан, сайдыыттан хаалсыбакка  салааны хайдах сайыннарар туһунан боппуруостарга болҕомтотун ууран үлэлээтэ. Сүрүн болҕомто ниэп хостооһунун улахан аҥарын ылар саппаастары үөрэтиигэ туһуланна. Саппаас элбээһинэ сири хаһыы дириҥээн иһэриттэн итиэннэ саҥа кыра сиртэн хостонор баайдаах сирдэри туһаныы элбээбититттэн тутулуктанар.

Хампаанньа «Экология – дело каждого» норуоттар икки ардыларынааҕы оҕо уонна ыччат бириэмийэтин федеральнай партнера буолла. Бырайыак ыччаты айылҕаҕа харыстабыллаахтык сыһыаннаһарга, экологическэй өйдөбүл кэҥииригэр  үөрэтэр. Кыайыылаахтар аан дойдуга тулалыыр  эйгэни харыстыыр уонна кини эмсэҕэлээбэтин туһугар кыһаллар айар үлэлэрин, экологическэй көҕүлээһиннэрин  интернет-былассааккаларынан киэҥник тарҕатыахтаахтар.

«Россиятааҕы Кыһыл Кириэс» бүтүн дойдутааҕы общественнэй тэриллиини кытары бииргэ үлэлэһии сөбүлэҥэр олоҕуран, хампаанньа эмсэҕэлээбит оройуоннарга эминэн-томунан, бастакы кэмҥэ наадалаах табаарынан хааччыйыыга харчынан көмөлөстө.

Бу туһунан сиһилии  letnews.ru саайтыгар киирэн билсиҥ

AK&M ааҕыныстыба национальнай рейтиҥҥэ хампаанньа үлэтин саамай үрдүк көрдөрүүлээҕин бигэргэттэ.  Аналитиктар «РНГ» АУо тулалыыр эйгэ харыстабылыгар, регион сайдыытыгар актыыбынай кыттыыларын уонна корпоративнай салайыы көдьүүһэ улаханын бэлиэтээтилэр. Экспертэр «РНГ» АУо өссө региоҥҥа олох-дьаһах тупсуутун, киһи хапытаала сайдыытын  боппуруостарыгар болҕомто ууруллуутун  үрдүктүк сыаналаатылар.

100 педагог – 100 тыһыынча суумалаах бириэмийэ тутта. Саха АССР төрүттэммитэ 100 сыллаах үбүлүөйүн көрсө, бастыҥ үлэлээх учууталлар наҕараадаланнылар.  Педагогтар күрэхтэрин көҕүлээччи уонна тэрийээччи — «РНГ» АУо.

2021сыл  ахсынньы ыйыгар хампаанньа Саха Өрөспүүбүлүкэтин Үүнэр көлүөнэтин тус сыаллаах пуондатын кытары бииргэ үлэлииргэ дуогабардаспыттара, итиэннэ Саха АССР төрүттэммитэ 100 сыллаах үбүлүөйүн көрсө, бастыҥ үлэлээх учууталларга харчынан бириэмийэ туттарарга, тэрээһини ыытыыга харчынан көмөлөһөргө сөбүлэҥ түһэрсибиттэрэ. Куонкурус түмүктэнэн 100 педагог – 100 тыһыынча суумалаах бириэмийэ тутта. Күрэх түмүгүн таһаарыыга пуонда салайааччыта Владимир Егоров республикаҕа социально-ориентированнай хампаанньалар сүдү суолталарын туһунан санаатын үллэһиннэ.