Хампаанньа исписэлиистэрэ Бүлүүтээҕи водохранилище салаатыгар, Аанньаах үрэххэ, биир мөлүйүөнтэн тахса балык ыаматын ыыттылар. Балыктары «РНГ» АУо сакааһынан Чернышевскайдааҕы балык собуотун үлэһиттэрэ лабораторнай усулуобуйаҕа иитэн таһаарда.
Сиһилии «НИА Саха» порталга ааҕыҥ
Бу ааспыт сыллааҕы көрдөрүүттэн 5 төгүл элбэх. Тэрээһин уу биоресурсаларын сайыннарыыга анаммыт дуогабар чэрчитинэн ыытыллар. Үлэни ыытыыга сөбүлэҥ Чернышевскайдааҕы балык собуотун кытары түһэрсиллибитэ. Бу тэрилтэ соҕотох Өрөспүүбүлүкэҕэ балыгы иитиинэн дьарыктанар.
Сиһилии – «Якутия.Инфо» порталга ааҕыҥ
«РНГ» АУо өйөбүлүнэн төрүттэммит, общественнай тэриллии Саха Сиринээҕи салаата, волонтёрдар иккис слёттарыгар кыттыыны ылла. Тэрээһин Үс Хатыҥҥа ыытылынна, регион 170 доброволеһа кыттыыны ылла.
Тэрээһин кыттыылаахтарыгар ыксаллаах быһыыга сөптөөхтүк дьаһаныыга, бастакы көмөнү хайдах оҥорорго маастар кылаастар тэрилиннилэр. Маны сэргэ, быыһыыр үлэлэр хайдах барыахтаахтарыгар үөрэхтэр ыытылыннылар. Волонтёрдар ыксаллаах быһыы-майгы сулууспатын үлэтигэр туттуллар техника уонна бары аныгы ирдэбилгэ эппиэттиир оборудование быыстапкатын көрдүлэр.
Хампаанньа Россиятааҕы театральнай искусство институтугар (ГИТИС) харчынан көмө оҥордо. Өйөбүл чэрчитинэн, Саха сиригэр культура эйгэтин үлэһиттэригэр уонна айар үлэлээх устудьуоннар бырайыактара олоххо киирэллэригэр кыах бэриллиэҕэ.
Хампаанньа «Энергетика, добыча и переработка сырья» хайысхаҕа 8-с миэстэҕэ тигистэ. HeadHunter рейтинигэр киирбит Россия бастыҥ үлэнэн хааччыйар тэрилтэлэрин быһаарыы хас да түһүмэҕинэн ыытылынна: үлэһит үлэлиир тэрилтэтигэр сыһыанын көрдөрөр анкета толоруута; интернет-рекрутинг порталыгар үлэ көрдөнөөччүлэр тэттик ыйытыыларга эппиэттээтилэр уонна дьүүллүүр хамыыһыйа кыттааччы-тэрилтэлэргэ HR-процесс сайдыытын таһымын сыаналаатылар. Уопсайа 1996 хампаанньа сайаапка биэрбититтэн 1082 хампаанньа финалга киирдилэр.
2023 сыл саҕаланыыта хампаанньа кыайан эмтэммэт ыарыылаах оҕолору өйүүр сыаллаах медицинскэй аппараттары уонна расходнай матырыйааллары атыылаһыыга үбүлээһини оҥордо.
2 сыл устата «РНГ» АУо «Дом с маяком» аһымал пуондаҕа көмөлөһөр. Хампаанньа Москва куорат уонна Москосвкай уобалас хоспистарын өйүүр сыаллаах араас таһымнаах үлэни ыытта. Бу хоспистар көрүүлэригэр-истиилэригэр, бүгүҥҥү күҥҥэ, 800-тэн тахса дьиэ кэргэн киирэр.
Сиһилии «ВЕСТНИК СЗФО» анал саайтыгар ааҕыҥ.
«Ботуобуйа нэһилиэгэ» муниципальнай тэриллии (МТ) социальнай-экономическэй сайдыытын программатын чэрчитинэн Таас-Үрэх оскуолатын өрөмүөннүүргэ биир мөлүйүөн үбүлээһини көрбүтэ.
Бу үбүнэн оскуола дьиэтин кырыыһата уларыйда, туалетнай хостор саҥардылыннылар, ол иһигэр муоста уонна техническэй үлэлэр киирдилэр. Маны таһынан, «Точка роста» бырайыак кабинеттарыгар уонна бастакы этээс көрүдүөрүгэр эмиэ саҥардыы үлэтэ ыытылынна.
Хампаанньа сыл устата ыксаллаах быһыыга түбэспит дьону өйүүргэ анаммыт бырайыактары өйөөтө. Үлэ сүрүн чааһа Саха Өрөспүүбүлүкэтин территориятыгар ыытылынна. Бииргэ үлэлэһии программатын чэрчитинэн Дьокуускайга Россиятааҕы Кыһыл Кириэс суһал көмөтүн пуондата тэрилиннэ, маны сэргэ, баҕалаах дьонтон турар ыксаллаах быһыыга суһаллык көмөҕө кэлэр анал хамаанда олохтонно.
Сиһилии – «Российский Вестник»порталга ааҕы
Хампаанньа бириэмийэ федеральнай партнера. Иккис сезоҥҥа сайаапкалары хомуйуу кулун тутар 1күнүттэн саҕаламмыта, алтынньы ыйга түмүктэммитэ. Бу кэм иһигэр олус элбэх сайаапка киирдэ – уопсайа 45 тыһыынчаттан тахса. Россия бары регионнарыттан уонна 33 судаарыстыбаттан 9 номинацияҕа үлэлэр киирдилэр. Кыайыылаахтар ааттара түмүк таһаарар конференцияҕа ааттаннылар.
Сиһилии – «Якутия.Инфо» порталга ааҕыҥ
«РНГ» АУо уонна хампаанньа иһинэн киирэр атын тэрилтэлэр үлэһиттэригэр, үрдүк таһымнаах исписэлиистэригэр, РФ энергетикаҕа министиэристибэтин махтал суруктарын, бочуотунай грамоталарын туттардылар, маны сэргэ, идэлээх бырааһынньыгынан Мииринэй оройуонун баһылыга Александр Басыров, Мииринэй куорат баһылыга Клим Антонов эҕэрдэҕэ кыттыһан туран махталларын биллэрдилэр, наҕараадалары туттардылар.
Сиһилии – «Якутия.Инфо» порталга билсиҥ