Доруобуйаны чөлүгэр түһэриигэ анаммыт аныгы сириэстибэлэри коммерческэйэ суох тэрилтэҕэ биэрии, хампаанньа аһымал көмөтүн программатын чэрчитинэн ыытылынна.
Элбэх функцияны толорор медицинскэй ороннор сытар, ыарахан туруктаах дьоҥҥо улахан наадалаахтар. Уокка холбонор орон үрдүгүн, сытар балаһыанньатын ыарыһахха хайдах табыгастааҕынан туруоран биэриэххэ сөп. Онтон көлөһөлөр, ыарыһаҕы хостон хоско көһөрөргө, табыгастаахтар.
«Маннык ороннор ыарахан диагнозтаах, сатаан бэйэ кыаҕынан хаампат оҕолору көрүүгэ-истиигэ туһалар үгүс. Орону, биһиги, ырааттааҕыттан наадыйар дьиэ кэргэҥҥэ тиэрдэн биэрдибит. Инникитин доруобуйаларыгар хааччахтаах оҕолору көрүүгэ-истиигэ туһалаах буолуо диэн эрэнэбит. “РНГ” АУо-ҕа, көмөҕүт иһин, махталбытын тиэрдэбит», – диэн «Дом с маяком» аһымал пуонда толорооччу дириэктэрэ Елена Прокопьева санаатын үллэһиннэ.
Санатан эттэххэ, бу иннигэр хампаанньа аһымал пуондаҕа эмиэ ыарахан туруктаах, сатаан бэйэ күүһүнэн хаампат оҕолорго кэлээскэлэри уонна ходуноктары атыыласпыта, маны сэргэ, аһынан-үөлүнэн хааччыйыыга эмиэ үбүнэн көмөлөһөн турар.
«Дом с маяком» аһымал пуондата 2018 сыллаахха тэриллэн үлэтин саҕалаабыта. Пуонда сүрүннээн оҕо тэрилтэлэрин өйүүр, коммерческэйэ суох тэрилтэ көрүүтүгэр, сатаан эмтэммэт ыарыылаах, 800 оҕо баар.