Хампаанньа оҕо дьиэтин иитиллээччилэригэр анаан күннээҕи 3-тэ аһыыр астарыгар харчынан көмөлөстө.
«Родной дом» социальнай реабилитационнай киин 2020 сыллаахтан Коломна куоракка үлэлиир. Тэрилтэҕэ олох ыараханыгар түбэспит, ийэ, аҕа көрүүтүттэн туора турбут оҕолор иитиллэллэр.
Бүгүҥҥү күҥҥэ приютка, 3-тэн 18-гар диэри саастаах, 18 сокуоннай саастарын туола илик оҕолор олороллор. Кинилэри кытта идэлээх педагогтар үлэлииллэр, бары ирдэбилгэ эппиэттиир медицинскэй көмө оҥоһуллар, үөрэххэ уонна сынньанарга анаан усулуобуйа олохтонор.
«Биһиги приютпут чааһынай дьонтон уонна араас тэрилтэлэртэн киирэр көмө харчытын туһанан үлэлии олорор. Хомойуох иһин, бүгүҥҥү күн уустук балаһыанньата биһигини эмиэ хаарыйда, көмө боппуруоһа уустугурда. «РНГ» АУо-ҕа махтанабыт, хас биирдии биһиги көрдөһүүбүтүн ылынан, аккаастабакка өйөбүл буоларгытыгар», – диэн оҕо киинин дириэктэрэ Елена Сотниченко бэлиэтээн эттэ.
«РНГ» АУо бүгүҥҥү уустук кэмнэргэ дьин-чахчы кыһалҕалаах дьоҥҥо көмө буолар. Бу сыалы тутуһан хампаанньа аһымал пуондалары, коммерческэйэ суох тэрилтэлэри кытта ыкса ситимнээхтик үлэлиир.