Хампаанньа Москва куоракка үгэскэ кубулуйбут VII төгүлүн ыытыллар «День качества – 2023» научнай-практическэй конференцияны тэрийэн ыытта. Стратегическэй сессияҕа улахан нефтесервиснай, инжиниринговай хампаанньа бэрэстэбиитэллэрэ уонна IT-хампаанньалар кыттыыны ыллылар.
Тэрээһин сүрүн сыала – «РНГ» АУо уонна партнер хампаанньалар ааспыт сыллааҕы үлэ түмүктэрин таһаардылар, сиртэн хостонор баайдаах сирдэр промышленнай эксплуатацияларыгар саҥа көрүүлэри киллэриигэ, манна туһаайан көдьүүстээх үлэни тэрийиигэ, итиэннэ, геологическэй чинчийиигэ уонна скважиналары тутуу хайысхаларыгар аныгы ньымалары олоххо киллэрэн көдьүүстээхтик туһаныы туһунан дьүүллэстилэр.
Конференция кыттыылаахтара бэйэлэрин дакылааттарыгар буурдааһын үлэтигэр оптимизация уонна цифровизация хаамыытыгар, саҥа программалары олоххо киллэриигэ, скважиналары тутуу бары түһүмэхтэригэр бириэмэни аччатыыга уонна хонтуруол үлэтин күүһүрдүүгэ болҕомтолорун уурдулар.
«Биһиги хампаанньабыт бүгүҥҥү үлэ сыһыаннаһыытыгар тупсууну, сайдыыны таһаарар этиилэргэ сервиснай тэрилтэлэр дьиҥнээҕи тутуһан сыаналыылларыгар интэриэстээх. Бу маннык стратегическэй сессиялар көмөлөрүнэн хаачыстыба сайдыытыгар менеджмент систиэмэтин анализтыыбыт, ханна туох сыыһалар, алҕастар, үтүө өрүттэр баалларын көрөбүт, производственнай уонна технологическэй диссипилиинэ хонтуруолун оҥоробут, бэдэрээччит тэрилтэлэри кытары бастайааннай сибээскэ сылдьан үлэ хаамыытын тупсарабыт», – диэн «РНГ» АУо генеральнай дириэктэрэ Владимир Ракитин бэлиэтээн эттэ.
Нефтесервиснай өҥөнү оҥорор ырыынакка үлэлиир бастыҥ хампаанньалары кытта бииргэ үлэлэһии түмүгэ – сэдэх уонна киэҥ толкуйдаах быһаарыныылары олоххо киллэриигэ улахан уопут баар буолла. Бу барыта ураты, тыйыс усулуобуйалаах Саха Сиригэр сиртэн хостонор баайдаах сирдэргэ үлэни ыытарга улахан туһалаах.