Саха Сиригэр Оччугуй Ботуобуйаны туоруур муоста үлэҕэ киирдэ.
Бу муоста республика икки улууһун ситимнээтэ. Олохтоохтор Федеральнай суолунан төгурук сыл устата харгыһа суох айанныыр кыахтаннылар. Муоста кэмигэр олоххо киириитигэр РНГ АУо улахан үлэни ыытта. Санатан эттэххэ, «Булуу» айан суолун эбийиэгэ федеральнай программа5а киирбитэ (трасса Иркутскай уобалас Тулуна куоратыттан Дьокуускайга диэри ). Муоста уһуна 192 м, 2,7 килэмиэтир усталаах кэрчиккэ асфальт уурулунна.
Муостаны тутуу 2018 сыл бала5ан ыйыттан са5аламмыта, арыллыыта 2020 сыл алтынньы 31 кунугэр былааннаммыта. Төһө да пандемия мэһэйдээтэр, исписэлиистэр улэлэрин биир ый эрдэ тумуктээтилэр.
СӨ бырабыыталыстыбатын бэрэссэдээтэлин эбээһинэһин толорооччу Андрей Тарасенко РНГ АУо улэтин үрдүктүк сыаналаата. Маныаха «Булуу» суолларын управлениетын начальнига Николай Андреев эбийиэк уустугун уонна хампаанньа улэһиттэрин профессиональнай таһымнарын өрө тутан бэлиэтээтэ.
Эбийиэги ситиһиилээхтик тутуу, исписэлиистэр олус табыллан улэлээбиттэриттэн тутулуктаах буолла диэн РНГ АУо тутуу салаатын начальнига Александр Усков бэлиэтээтэ: «Пандемия усулуобуйатыгар судаарыстыбаннай уорган бука бары ирдэбиллэрэ тутуһуллан, эрдэттэн сэрэтии үлэтэ куускэ барбыта. Санитарнай нуорманы, олохтоммут миэрэлэри кытаанахтык тутуһан, ыарыыттан куттал суох буолуутун хааччыйдыбыт. Маны таһынан, хампаанньа саҥа техниканы, оборудованиены, наадалаах тутуу матырыйаалын кэмигэр атыылаһан тутааччыларга хаачыстыбалаах улэ тахсарыгар олук буолла».
РНГ АУо биир сүрүн соругунан, республика сайдыытыгар уонна олохтоох нэһилиэнньэ оло5ун таһыма тупсарыгар бол5омтону ууруу буолар. Региоҥҥа транспорт сырыытыгар кыһал5алар угустэр , онон инфраструктурнай бырайыактарга кылааты киллэрии эмиэ биир сурун соругунан турар. Саха Сирин суолларын аныгы технологиянан асфальтааһын бырагыраамматыгар хампаанньа 3,5 мөл евроны тыырбыта. Бастыҥ немецкэй хампаанньаттан көһө сылдьар бетон собуотун атыылаһан, Саха Сирин климатыгар сөп түбэһэр, хаачыстыбалаах асфальт суолун оҥорор.
Инникитин да5аны хампаанньа, республика сайдыытыгар көхтөөх кыттыыны ылар былааннаах. Алтынньы ый бутуутэ Сунтаар улууһугар өссө биир эбийиэги — Сааһар үрэ5и туоруур муостаны олоххо киллэриэ. Социальнай экономическай хайысха5а уһун кэмнээх сөбүлэһии иитинэн, араас хабааннаах тутуу бырайыактарын торумнууллар.
Сонуну суруйда: ysia.ru (Саха Сирин сонуна)
