Перейти к основному содержанию

Санкт-Петербург куоракка 20-с төгүлүн бүтүн дойдутааҕы стратегтар Форумнара ыытыллар

31 октября 2022

«РНГ» АУо  тэрээһин генеральнай спонсорын быһыытынан кыттыыны ылар. Кылаабынай тэрийээччилэртэн биирдэстэрэ -  «Леонтьевский центр» норуоттар икки ардыларынааҕы социальнай-экономическэй чинчийии киинэ.
  
Икки күн устата форум былассааккатыгар уопсайа 30-ча араас тэрээһин ыытыллыаҕа, манна 1000-тан тахса киһи кыттыыны ылара сабаҕаланар. Кинилэр истэригэр былаас уорганнарын бэрэстэбиитэллэрэ, бизнес, научнай холбоһуктар уонна Россияттан, тас дойдулартан  экспертэр. Форум кыттааччылара Россия регионнара уонна куораттара кризис усулуобуйатыгар стратегическэй былааннааһын уопсай  оҥкулларын уонна ньымаларын ырытыахтара, дьүүллэһиэхтэрэ.

«Биһиги партнердарбыт көмөлөрүнэн стратегтар Форумнара, бүгүҥҥү күҥҥэ, стратегическэй былааннааһыҥҥа, санаа астастаһыытыгар, уопут үллэстиигэ  бастыҥ үлэлээх, улахан былассаакканан биллэр буолла.  «РНГ» АУо-ҕа  тэрээһини өйөөн, дьоһун кылааккытын киллэрэргит  иһин махталбытын биллэрэбит», –  диэн «Леонтьевский центр» норуоттар икки ардыларынааҕы социальнай-экономическэй чинчийии киинин генеральнай дириэктэрэ  Ирина Карелина бэлиэтээн эттэ.
 
««РНГ» АУо  стратегтар Форумнарын чэрчитинэн олоххо киирэр бырайыактары, көҕүлээһиннэри өйүүр. Бу ыытыллар үлэ улахан суолталааҕын бэлиэтиибит. Биир бастакынан, стратегическэй былааннааһын систиэмэтин сааһылааһын.  Дьиҥнээхтик олоххо киирэр түмүктэргэ, туһалаах программалары оҥоруу хайаан да наада. Бу программалар, сыалы-соругу ситиһиигэ, общество бары араҥатын түмэр кыахтаахтар. Икки күннээх форум, бары кыттааччыларга, таһаарыылах буолуо диэн эрэнэбит», – диэн «РНГ» АУо генеральнай дириэктэрэ  Владимир Ракитин санаатын үллэһиннэ.

Стратегтар Форумнара  Санкт-Петербург куоракка  2002 сылтан саҕалаан сыл ахсын ыытыллар. Быйылгы тэрээһин сорох тиэмэлэрэ форум официальнай ханаалыгар (YouTube) быһа эфирга көстүөхтэрэ.