Хампаанньа туһунан сиһилии иһитиннэрии «Экология – дело каждого» норуоттар икки ардыларынааҕы оҕо уонна ыччат бириэмийэтин анал саайтыгар «Федеральные партнеры» диэн кыбытык лииһигэр уонна социальнай ситимнэргэ сиһилии сурулла сылдьар. Хампаанньа үлэтин таһынан ыстатыйаларга, «РНГ» АУо тулалыыр эйгэни харыстааһыҥҥа ыытар үлэтин, айылҕа харыстабылыгар оҥорор кылаатын туһунан бэлиэтэммит.
Хампаанньа айылҕаны харыстабыллаахтык туһаныыга анаммыт Федеральнай хонтуруоллуур сулууспа көҕүлээһининэн тэриллэр «Экология – дело каждого» бырайыак олоххо киириитин өйөөтө. «РНГ» АУо кыайыылаахтары бэлиэтииргэ, бары бигэргэммит номинацияларынан иккис, үһүс степеннээх лауреаттарга уонна биэдэмистибэ атын да тэрээһиннэригэр харчынан көмө оҥоруоҕа.
«Экология – дело каждого» саҥа сезона кулун тутар маҥнайгы күнүттэн саҕаламмыта, итиэннэ, алтынньы маннайгы күнүгэр диэри салҕаныаҕа. Бырайыак ыччаты айылҕаҕа харыстабыллаахтык сыһыаннаһарга, экологическэй өйдөбүл кэҥииригэр үөрэтэр. Кыайыылаахтар аан дойдуга тулалыыр эйгэни харыстыыр уонна кини эмсэҕэлээбэтин туһугар кыһаллар айар үлэлэрин, экологическэй көҕүлээһиннэрин интернет-былассааккаларынан киэҥник тарҕатыахтаахтар.
Күрэх кыттааччылара, оҕолор, сайаапкаларын 9 номинациянан биэриэхтэрин сөп. Куонкурус түмүгэ сэтинньи ыйга дьүүллүүр хамыыһыйа быһаарыытын кэннэ тахсыаҕа.