Хампаанньа вахта үлэһиттэригэр анаан «Малый Турыш» тэрилтэттэн уопсайа 2 мөлүйүөн сууммаҕа мүөттэн уонна барыанньаттан турар продукта наборун сакаастаата.
Экологически ыраас, натуральнай бородууксуйаны төрүт үгэстэри тутуһан оҥорор тэрилтэ ырыынакка номнуо 11-с сылын Свердловскай уобаласка үлэлиир. Предприниматель Гузель Санжапова тэрийэн үлэлэппитэ. Мүөт, барыанньа арааһа, чэй, косметикатыгар тиийэ оҥорон таһаарар. Үлэҕэ дэриэбинэ олохтоохторо кыттыһан эбии дохуот аахсаллар. Сайынан сир аһын, араас үүнээйилэри хомуйаллар уонна производствоҕа ыыталлар.
Табаар хаҕыттан саҕалаан ураты көстүүлээх. Упаковкаларга тэрилтэ аҕам саастаах дьонун хаартыскалара көстөр буолан киһи дууһатын өссө таарыйар.
Үлэ миэстэтин таһаарыы таһынан бренди төрүттээбит эргиэмсик дьиэ кэргэн уонна оҕо тэрээһиннэригэр улахан болҕомто уурар. Ол курдук дэриэбинэҕэ саҥа общественнэй киин тутуллар. Киин Малай Турыш олохтоохторугар араас өҥөнү оҥорор буолуоҕа.
Ахсынньы ыйга бэйэ бородууксуйатын оҥорон таһаарааччы тэрилтэ дьиэтигэр баһаар тахсан улахан кыһалҕа көрсүбүттэрэ. Техника улахан чааһа баһаарга былдьаммыта. Предприниматель хампаанньаҕа көмө оҥорорго көрдөспүтэ.
Кыһалҕаҕа түбэспит предприниматель көрдөһүүтүн быһа гыммакка «РНГ» АУо өйөбүлүн улахан сакааһынан оҥордо. Бэлэххэ бэриллэр продуктовай набор сакаастаата. Бу барыта вахта үлэһиттэригэр тиксиэҕэ.