«РНГ» АУо бырайыакка федеральнай партнер быһыытынан кыттыыны ылар.
«Экология – дело каждого» бириэмийэ 7-тэн 16-гар диэри саастаах, айылҕа харыстабылын эйгэтин интэриэһиргиир оҕолору өйүүргэ анаан Росприроднадзор тэрилтэтининэн бигэргэнэн ыытыллар. Саҥа сезон кулун тутар ыйтан саҕаламмыта. Россия 85 регионуттан, 17 тас дойдуттан, уопсайа 15 тыһыынчаттан тахса үлэ киирдэ. Бу ааспыт сылы кытары тэҥнээтэххэ балтараа төгүл үрдүк көрдөрүү буолар. Бырайыакка ордук актыыбынай кыттыыны Москваттан, Краснодарскай кыраайтан, Ростовскай уонна Новосибирскай уобаластартан кыттыыны ыллылар.
Кинилэр экологическэй көҕүлээһиннэрин, айылҕа харыстабылыгар сыһыаннаах ыҥырыыларыгар туһуламмыт айар үлэлэрин интернет былассааккаларга таһаардылар. Уопсайа 9 номинациянан кыттыыны ылыахха сөп. Номнуо дьоҥҥо-сэргэҕэ биһирэммит үлэлэр бааллар. Холобур, «Экофокус» уонна «Экорисунок» үлэлэри бэлиэтиэххэ сөп.
«Бырайыак кылаабынай сыала – аныгы олох тэтимин, сайдыытын туһанан интернет ситимин нөҥүө оҕолору экологическэй эйгэҕэ сыһыарыы буолар. Куонкурус көрдөрбүтүнэн бу эйгэҕэ интэриэстээх оҕо элбэх эбит. Онон кинилэр инники өттүгэр аан дойду айылҕатын сыаналыырга үөрэнэллэр. Киртиппэт, харыстабыллаахтык сыһыаннаһар олус наадалааҕын өйдүү үөрэнэллэр. Маннык өйдөбүл кыра эрдэхтэн баар буоллаҕына эрэ, биһиги айылҕабытын харыстыыр кыахтаахпыт, экологиябыт ыраас буоларын ситиһэргэ дьулуһуохпут», — диэн Айылҕаны туһаныыга уонна кэтээн көрүүгэ федеральнай сулууспа салайааччыта Светлана Радионова санаатын үллэһиннэ.
Саамай талааннаах уонна актыыбынай оҕолор «Орленок» бүтүн дойдутааҕы оҕо лааҕырыгар сынньанарга путевка тутуохтара. Маннык сынньалаҥы бириэмийэ 150 кыттааччыта туһаныан сөп. Кыттааччылар үлэлэрин, сайаапкаларын алтынньы ый маҥнайгы күнүгэр диэри ыытар кыахтаахтар. Онтон түмүк сэтинньи ыйга тахсыаҕа.